Donald tramp: "Korona wirusi xitayning xataliqi, buning bedili éghir bolidu"

Muxbirimiz irade
2020-10-08
Share

Amérika prézidénti donald tramp korona wirusidin yuqumlinip saqayghandin kéyin aqsarayda bergen tunji bayanatida "Wirus yuqumining jawabkari xitaydur, u buning bedilini éghir töleydu" dédi.

Donald tramp 7-öktebir künide tarqatqan widiyoluq bayanatida "Wirus bilen yuqumlinish sizning xataliqingiz emes. U xitayning xataliqi we xitay bizning dölitimizge qilghanliri üchün zor bedel töleydu. Ular dunyagha qilghanliri üchün zor bedel töleydu. Bu pütünley xitayning xataliqi" dep tekitlidi.

Donald tramp sözide yene, özini dawalap saqaytishta sinaq qilip ishlitilgen dorilarning barliq amérikaliqlargha oxshash ishlitilidighanliqini we u dorilarning pütünley heqsiz bolidighanliqini éytti.

Amérika prézidénti donald trampning xitaydin tarqalghan korona wirusi bilen yuqumlan'ghanliqi élan qilin'ghandin kéyin ijtima'iy taratqularda xitay puqralirining xushalliq tentenisi qilip, trampning yuqumlan'ghanliqini tebrikligenlikige da'ir körünüshler tarqalghan. Bu weqe kommunist réjimi astidiki xitay puqralirining rohiy saghlamliqi heqqide munazirilerni peyda qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.