Donald tramp xitaygha téximu éghir tamozhna béji qoyidighanliqini bildürdi

Muxbirimiz eziz
2018-06-19
Élxet
Pikir
Share
Print

Yéqinda amérika bilen xitay otturisidiki soda söhbitide yéngi jiddiylik körülüshke bashlidi. Birleshme agéntliqning xewirige qarighanda, 19-iyun küni amérika prézidénti donald tramp amérika soda söhbiti wekillirige xitaydin import qilinidighan tawarlargha qarita 200 milyard amérika dolliri tamozhna béji qoyushqa teyyarlinish heqqide körsetme berdi.

Melum bolushiche, aq saray ötken hepte xitayning eqliy mülük oghriliq qilmishi üchün xitaydin import qilinidighan mallargha 50 milyard amérika dolliri tamozhna béji qoyushni buyrughan idi. Xitayning bu xil oghriliq qilmishini cheklesh üchün birer ünümlük tedbir élish niyitide bolmasliqi seweblik amérika hökümiti nöwette tamozhna béji miqdarini ashurushni jiddiy oylashmaqta iken. Xitay hökümiti buninggha qarita öz naraziliqini ipadiligen hemde özliriningmu tégishlik chare köridighanliqini tekitligen. Shuningdek "Washin'gton bu arqiliq soda urushini bashlimaqchi boluwatidu" dep ghelwe qilghan. 

Roytérs agéntliqining bügünki xewiride éytilishiche, mutexessisler ikki terep otturisidiki import-éksport miqdarigha asasen "Nawada her ikki terep mushu yosunda qarshi terepke qarita tamozhna béjining miqdarini ashursa ziyan tartidighini yenila xitay bolidu" dep xulase chiqarghan. Shuningdek aq sarayning yéngi tamozhna béji qoymaqchi boluwatqanliqi heqqidiki xewerning tarqilishigha egiship xitayning xelq'ara pay chéki baziridiki paylirining bahasi biraqla töt pirsent chüshüp ketken.

Toluq bet