Ningshyadiki tungganlarning xitayning diniy teqiplirige qarshi namayish ötküzgenliki ilgiri sürülmekte

Muxbirimiz qutlan
2018-07-30
Share

Bügün ningshyadiki tungganlarning xitayning diniy teqiplirige qarshi zor kölemde namayish ötküzgenliki heqqidiki sin xewerliri twittér qatarliq ijtima'iy taratqularda tarqaldi.

Sin körünüshidin melum bolushiche, béshigha tungganlarning aq doppisini kiygen minglighan tungganlar ningshyada sheher kochilirini aylinip naraziliq namayishi ötküzgen. Ularning towlighan sho'arliridin tungganlarning diniy erkinlikni telep qilghanliqi, meschitlerning qubbiliri üstidiki islamning belgisi bolghan ay-yultuzni éliwétishke we diniy telim béridighan mekteplerni taqashqa naraziliq bildürgenliki melum bolmaqta.

Bu heqte ijtima'iy taratqularda tarqalghan xewerlerde we bu weqege diqqet qiliwatqan közetküchilerning inkaslirida ningshyadiki tungganlarning kündin-kün'ge chingip kétiwatqan diniy teqiblerge naraziliq bildürgenliki, bolupmu xitayning atalmish "Shinjang endizisi" ni tungganlar rayonigha köchürüp kéliwatqanliqigha qarshiliq körsetkenliki tilgha élin'ghan.

Halbuki, ningshyadiki tungganlar namayishining sewebi, jeryani, qachan we qeyerde ötküzülgenliki heqqide radiyomiz téxi ö aldigha musteqil delillesh imkaniyitige érishelmidi.
Melum bolushiche, yéqindin buyan, ningshya, gensu, shenshi qatarliq xitayning gherbiy shimalidiki tungganlar merkezlik olturaqlashqan rayonlardimu islam dinigha bolghan cheklimiler küchiyip, xitayning "Islam dinini xitaychilashturush" urunushining ochuqchiliqqa chiqiwatqanliqi ashkara bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet