Xitay da'iriliri Uyghur aptonom rayonida milletler ara “Tughqanchiliq” siyasitini dawamliq chongqurlashturidighanliqini bildürdi

Xitay da'iriliri 2017-yildin béri Uyghur aptonom rayonida keng kölemlik yolgha qoyup kéliwatqan “Milletler ittipaqliqi tughqanchiliq” siyasitini téximu chongqurlashturushni telep qildi.

Bu telep Uyghur aptonom rayonluq partkom da'imiy komitétining 31-may küni chaqirilghan kéngeytilgen yighinida otturigha qoyulghan.

Xitay hökümiti 2017-yildin bashlap Uyghur bilen xitay arisidiki “Qoshmaq tughqanchiliq” ni algha sürüsh namida bir milyondin artuq xitay er kadirlirini Uyghur a'ililirige orunlashturghan. Bu a'ililerning nurghunlirining a'ile bashliqliri 2917-yili bashlan'ghan tutqunda lagérlargha qamalghan idi.

Uyghur aptonom rayonluq partkomning kéngeytilgen yighinida chén chüengo söz qilip, bu siyasetni dawamliq chongqurlashturidighanliqini bildürgen. “Tengritagh” torining xewer qilishiche, chén chüengo: “Partiyening milletler siyasitini omumyüzlük izchillashturup, milliy térritoriyelik aptonomiyeni dawamlashturush we mukemmeleshtürüp, ‛milletler ittipaqliqi tughqanchiliqi‚ we milletler ittipaqliqi birleshme pa'aliyetlirini kücheytish kérek shundaqla her qaysi milletlerning öz ara bérip-kélishi, alaqisi we qoshulushini dawamliq chongqurlashturush kérek,” dégen.

Chén chüengo yighinda “Tughqanchiliq” we “Namratliqtin qutquzush” ni öz ichige alghan 9 nuqtiliq xizmet pilanini otturigha qoyghan. Lékin diqqet qilarliq yéri, u 9 nuqtiliq mezkur xizmet pilanida “Térrorluq” we “Esebiylik” mesilisini tilgha almighan. Halbuki, xitay hökümiti 3 milyondek Uyghurni lagérlargha qamap, Uyghurlarning tili, medeniyiti, diniy étiqadi we turmush usulini cheklehste atalmish “Térrorluq” we “Esebiylik” ni bahane qilip kelgen idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar