Xitayning hökümet sanliq melumatliri Uyghurlarning tughulush nisbitining shiddet bilen chüshüp ketkenlikini körsetmekte

Muxbirimiz erkin
2021-02-26
Share

Xitay hökümitining yéngi élan qilghan sanliq melumati Uyghur élida yéqinqi 3 yil ichide Uyghurlarning tughulush nisbitining shiddet bilen chüshüp ketkenlikini ashkarlap bergen. Xongkong erkin axbarat torining xewer qilishiche, xitayning yéngi élan qilin'ghan nopus sanliq istatistikisida Uyghur éli nopusining köpiyishi yéqinqi 2 yil ichide 3 din 2 qisim dégüdek azayghanliqini körsetmekte iken. Xitay doletlik istatistika idarisining mezkur sanliq melumatida Uyghur élida 2017-yili 15. 88 Pirsent bolghan tughulush nisbitining 2019-yili 8. 14 Pirsentke chüshkenlikini bildürgen.

Xewerde körsitishiche, oxshash mezgil ichide xitayning memliketlik otturiche tughulush nisbiti aran 2 pirsent azayghan iken. Xewerde bu ehwalning xitay hökümiti Uyghurlarni keng kölemlik lagérlargha qamighan we ulargha tughut kontroli élip barghan mezgilde yüz bergenlikini bildürgen. Gérmaniyelik Uyghurshunash adriyan zénz ötken yili élan qilghan bu heqtiki doklatida Uyghur éli nopusining köpiyisi 2017-yildin kéyin 65 pirsent azayghanliqi, Uyghurlar zich olturushluq bezi jaylarda tughulush nisbitining aziyishi 80 pirsenttin ashidighanliqini ilgiri sürgen. Biraq xitay hökümiti nupusning azayghanliqini ret qilip, adri'an zénzge shexsiy hujum qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet