Хитай даирилири уйғур диярида туғулуш нисбитиниң зор дәриҗидә азийип кәткәнликини етирап қилған

Мухбиримиз әркин
2020-09-21
Share

Хитай даирилири уйғур диярида 2018-йили туғулуш нисбитиниң зор дәриҗидә азийип кәткәнликини етирап қилған, лекин уйғур аяллириға қарита мәҗбурий туғмас қилиш елип берилғанлиқини рәт қилип, буниң сәвәбини пиланлиқ туғутқа бағлиған. Хитай даирилириниң тәкитлишичә, туғулуш нисбитиниң зор дәриҗидә азийиши "пиланлиқ туғут сияситиниң омумйүзлүк иҗра қилиниши" билән мунасивәтлик икән. Германийәлик уйғуршунас адриян зенз йеқинда хитайниң һөкүмәт һөҗҗәтлиригә асасән 2016-йилдин кейин уйғур диярида туғулуш нисбитиниң 60 дин артуқ азийип кәткәнлики, буниң уйғур аяллирини мәҗбурий туғмас қилиш билән мунасивәтлик икәнликини дәлилләр билән оттуриға қойғаниди.

CNN Ниң хәвәр қилишичә, уйғур аптоном райони даирилири 9-айниң башлирида CNN гә факис әвәтип, ирқий қирғинчилиқ елип берилғанлиқини рәт қилған. Туғулуш нисбитиниң туюқсиз азийип кетиши" бейҗиңниң пиланлиқ туғут суғуртиси сияситиниң 2017-йилдин кейин мәзкур районда тоғра иҗра қилинғанлиқиниң нәтиҗиси "икәнликини илгири сүргән. Адриян зенз болса 2018-йили хитайдики омумий туғут чәкләш үзүкиниң 80% ниң уйғур диярида ишлитилгәнликини дәлиллигәниди.

CNN Ниң тәкитлишичә, даириләр 2018-йили туғулған бовақларниң 2017-йилдикидин 120 миң аз туғулғанлиқи, буниң ичидики 80 миңдәк бовақниң пиланлиқ туғут сиясити техиму яхши йолға қоюлғанлиқи сәвәблик аз туғулғанлиқини илгири сүргән. Мәлум болушичә, CNN бу соални бу йил 7-айда сориған болуп, даириләр униңға әмди җаваб бәргән. Хитайниң хәлқарада хитай һөкүмити уйғурларға" ирқий қирғинчилиқ "елип бериватамду? дегән соал муназирә қилиниватқан бир мәзгилдә бу соалға җаваб бериши диққәт қозғиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт