Xitayning tughut cheklimisini bikar qilidighanliqi algha sürülmekte

Muxbirimiz eziz
2018-05-22
Élxet
Pikir
Share
Print

Türlük axbarat wasitilirining uchurlirigha qarighanda, xitayning ichi we téshida hemmila kishige "Pilanliq tughut" dégen namda melum bolup kéliwatqan xitaydiki tughutqa chek qoyush belgilimisining mushu yil ichide bikar qilinidighanliqi algha sürülmekte.

Amérikidiki "Fokus xewerliri"ning 22-maydiki xewirige qarighanda, xitay hökümiti herqaysi a'ililerge qaritilghan tughut cheklimisini yéqinda bikar qilish heqqide jiddiy oylashmaqta iken. Bu heqtiki qarar mushu yilning axiri yaki 2019-yilining béshida élan qilinishi mumkin iken.

Melum bolushiche, xitay hökümiti 1970-yillarning axirliridin bashlap pilanliq tughut siyasitini yolgha qoyghanliqtin 2017-yiligha kelgende pütkül xitayning nopus nisbitide éghir gheyriylik barliqqa kelgen, shundaqla erlerning sani ayallar sanidin 32 milyon éship ketken.

Melum bolushiche, xitay hökümiti 2015-yili pilanliq tughut siyasiti seweblik otturigha chiqqan yézilardiki emgek küchi mesilisini hel qilish üchün yézilardiki "Birla perzentlik" bolushni "Ikki perzentlik bolush" qa özgertken. Emma shu waqitlardimu buning izchil yosunda xitaydiki "Pilanliq tughut siyasiti"ning qurbani bolup kéliwatqan Uyghurlargha qilche menpe'etlik bolmighanliqi, eksiche Uyghurlar diyaridiki xitay nopusining téximu köpiyishige yochuq échilghanliqi melum bolghan idi.

Uyghurlar diyaridiki weziyet bilen tonushluq kishiler bu heqte pikir qilip: "Pilanliq tughut siyasitining bikar qilinishining Uyghur jem'iyitige qandaq menpe'etlerni élip kélidighanliqi heqqide hazirche birnerse démek qiyin" déyishmekte.

Toluq bet