Tumshuq shehiridiki ayrodromda resmiy qatnash bashlan'ghan

Muxbirimiz sada
2018-12-26
Share

Uyghur diyarining tumshuq shehiridiki ayrodromgha 26-dékabir küni xitayning "Jenubiy awi'atsiye shirkiti" ning ayropilani qonushi bilen resmiy qatnash bashlan'ghan.

"Tengritagh tori" ning shu kündiki xewiridin qarighanda, mezkur ayropilan tumshuq ayrodromigha qon'ghan tunji ayropilan bolup, 134 yoluchini yötkigen. Bu ayrodrom shixenzidiki baghche ayrodromidin kéyin ishlepchiqirish qurulush bingtu'eni da'irisidiki 2-puqrawi ayrodrom hésablinidiken.

Xewerde tumshuq sheherlik partkomning sékrétari, siyasiy komissar li chén'go ipade bildürüp, tumshuq ayrodromining ishqa kirishtürülüshi tumshuq shehiri bilen tashqi dunya otturisida atalmish "Hawa karidori" shekillendürüp, mezkur sheher we etraptiki rayonlargha meblegh sélish muhitini téximu yaxshilighan.

Xewerde qeyt qilinishiche, jenubiy awi'atsiye shirkitining Uyghur rayonidiki tarmaq shirkitining mu'awin diréktori tumshuq ayrodromidiki hawa qatnishining bashlinishi yerlik xelqlerning hawa sepirige bolghan éhtiyajini qandurup, rayon iqtisadining rawajlinishida muhim rol oynaydighanliqini bildürgen.

Xewerdin melum bolushiche, tumshuq shehiri Uyghurlarning nopusi eng köp bolghan qeshqer, aqsu, qizilsu qirghiz aptonom oblasti we xoten shehirining otturidiki rayon'gha jaylashqan iken.

Analizchilar xitayning tumshuq shehirige oxshash mushundaq istratégiyelik orunda hawa qatnishini bashlishi bingtu'enni kücheytip, jenubiy Uyghur diyarini toluq kontrol qilishning bir wasitisi bolushi mumkinlikini texmin qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.