Tumshuq shehiride qesemyad we herbiy küch körsitish murasimi ötküzüldi

Muxbirimiz ümidwar
2017-03-05
Élxet
Pikir
Hembehr
Print
  • Print
  • Hembehr
  • Pikir
  • Élxet

Uyghur aptonom rayoni da'irilirining xitayning memliketlik siyasiy kéngesh we xelq qurultiyi jeryanida uyghur diyaridiki siyasiy muqimliqni qoghdash tedbirlirini kücheytish meqsitide ürümchi,xoten, qeshqer qatarliq jaylarda "térrorchiliqqa qarshi küresh qilish qesemyad murasimliri"namida herbiy parat we charlash arqiliq heywe körsitish heriketlirini arqimu-arqidin élip bérishigha uyghur diyaridiki ishlepchiqirish qurulush armiyisi, yeni "bingtu'en"mu aktip maslashmaqta. "bingtu'en géziti" ning xewer qilishiche, 2-mart küni ürümchide échilghan bingtu'en bash qomandanining 4-qétimliq yighinidimu memliketlik "ikki yighin üchün muqim ijtima'iy muhit yaritish we muqimliq xizmitini ching tutush" tekitlen'gen idi.

Xitay axbarat wasitilirining xewerliridin ashkarilinishiche, 2-mart küni qeshqer, xoten, aqsu wilayetliri arisini tutashturidighan istratégiyelik nuqta, yeni bingtu'en 3-déwiziyisi jaylashqan tumshuq shehiride "térrorluqqa qarshi qesemyad murasimi" ötküzülgen.

Tengritagh torining bu heqtiki uchuridin ashkarilinishiche, bingtu'en 3-déwiziyisi jaylashqan tumshuq shehiride ötküzülgen bu murasimgha 900 din artuq toluq qorallan'ghan qoralliq saqchi qisim eskerliri, jama'et xewpsizlik kadir we saqchiliri hem bingtu'enning qoralliq eskerliri qatnashqan.

Közetküchilerning éytishiche, tumshuq shehirige tutishidighan maralbéshi, peyziwat we yopurgha qatarliq nahiyelerde ilgiri köp qétim qarshiliq weqeliri yüzbergen bolup, bu qétimqi keng kölemlik herbiy heywe körsitish ilgiri tumshuq shehiride bolup baqmighan iken.

Toluq bet