Wuxende bir türküm tunggan jama'iti ikki neper xitay saqchisini birqanche sa'et görüge éliwaldi

Muxbirimiz shöhret hoshur
2013-04-08
Élxet
Pikir
Share
Print

Xunenning wuxen shehiridiki bir yémek-ichmek bazirida jüme küni xitay saqchiliri bilen bir türküm tungganlar arisida toqunush yüz bergen.

Toqunushta deslepte bir tunggan ashxanisining xojayini 4 neper saqchi teripidin qattiq urulup bash-közi yérilghan؛ neq meydandiki ammining sala-sulihlirimu saqchilargha tesir qilmighan. Weqe sheherdiki tunggan jama'itining quliqigha yetkendin kéyin 200 ge yéqin tunggan neq meydan'gha yétip kélip, weqege arilashqan saqchilardin ikki nepirini görüge éliwalghan we yol tosup saqchilarning zorawanliqigha naraziliq bildürgen. Xitay torlirida bu heqte chiqqan xewerlerde weqening bash-axiri heqqide tepsiliy melumat bérilmigen.

Weqening rastliqini mezkur bazardiki tijaretlerdin igilep chiqqan radi'omiz xitayche bölümi bügün, dunya Uyghur qurultiyi bayanatchisi dilshat rishitni ziyaret qilip mezkur weqege qarita pikrini sorighan.

Dilshat rishit, Uyghurlargha oxshashla, xitaydiki bashqa xitay bolmighan bashqa milletlerningmu zulum we zorawanliqqa uchrawatqanliqini, buninggha xitayning dölet bixeterlik siyasitidiki xitay milletchilik éngi we fashisizmliq héssiyatning seweb boluwatqanliqini tilgha alghan.

Toluq bet