«Җуңго түркий тиллар етимологийә хәлқара илмий муһакимә йиғини» бейҗиңдики милләтләр университетида өткүзүлгән

Мухбиримиз қутлан
2016-10-29
Елхәт
Пикир
Share
Принт

«Җуңго түркий тиллар етимологийә тәтқиқати хәлқаралиқ илмий муһакимә йиғини» 2016 - йили 10 - айниң 22 - вә 23 - күнлири бейҗиңдики мәркизий милләтләр университетида өткүзүлгән.

Мәзкур муһакимә йиғинға түркий тиллар тәтқиқати билән шуғуллиниватқан хитай вә чәт әлләрдики тил тәтқиқатчилиридин 35 нәпәр мутәхәссис қатнашқан һәмдә өзлириниң мәхсус темилардики илмий мақалилирини оқуған.

Йиғинға хәлқара түркологийә саһәсидә тонулған алимлардин «түркий тиллар дивани» ни ингилиз тилиға тәрҗимә қилған чикаго университетиниң профессори роберт данкоф, германийәдики қәдимки уйғур тили мутәхәссислиридин петир зиме вә марсел әрдал, түркийәдики тилчилардин профессор айшә мәләк өзйәткән ханим билән доктор мәһмәт өлмәз, шиветсийә упсала университетиниң профессори лазио каролу қатарлиқлар қатнашқан.

Бу қетимқи илмий муһакимә йиғинида қәдимки түркий тили билән йезилған вәсиқиләрниң тили һәм қурулмиси, қәдимки уйғур тилида йезилған бир қисим вәсиқә - һөҗҗәтләр вә уларда қоллинилған сөзләрниң етимологийәси, һазирқи заман уйғур, қазақ, қирғиз вә сериқ уйғур тиллиридики бир қисим сөзләрниң етимологийәси һәмдә бир қисим хитайчә - уйғурчә сөзләрниң мәнбәси қатарлиқ темиларда йезилған мақалилар оқулған.

Игилинишичә, йеқинқи йиллардин буян хитай һөкүмити зор миқдарда мәбләғ аҗритип явропа кутупханилири вә музейлирида сақлиниватқан қәдимки уйғур тил - йезиқидики материялларни топлашқа башлиған. Шуниң билән бир вақитта йәнә ғәрб әллиридә уйғур тәтқиқати билән шоғуллинип көзгә көрүнгән алимларни һәр хил намларда хитайға тәклип қилип, уларни идийә җәһәттин контрол қилишқа урунмақтикән.

Пикирләр (0)
Share
Толуқ бәт