Türkiyide abduréhim ötkür we mirsultan osmanofni xatirilesh xelq'araliq yighini ötküzilidu

Muxbirimiz eziz
2015-12-16
Share


Türkiyidiki ghazi uniwérsitétining tor bétidiki uchurlardin melum bolushiche, mezkur uniwérsitétta 18 - dékabir küni merhum Uyghur yazghuchi we sha'ir abduréhim ötkür wapatining 20 yilliqini xatirilesh, shundaqla Uyghur rayonidiki péshqedem tilshunas mirsultan osmanofning 85 yashqa kirgenlikini qutluqlash munasiwiti bilen xelq'araliq ilmiy muhakime yighini échilidiken.

Bu qétimqi ilmiy muhakime yighinigha dunyaning herqaysi jayliridin, jümlidin türkiye we xitay tewelikidin bir türküm ilmiy xadimlar öz maqalilirini sun'ghan bolup, asasen abduréhim ötkür we mirsultan osmanofning ilmiy tetqiqat pa'aliyetlirini eslesh shundaqla ularning ilmiy eserlirining dunyawi qimmitige qarap chiqish asasiy mezmun qilinidiken. Uyghurlarning ataqliq naxshichiliridin biri abduréhim héyt yighin axirida öz ijadiyetliridin maharetler körsitidiken.

Alaqidar uchurlardin melum bolushiche, bu béyjing shehiridiki merkiziy milletler uniwérsitétida 11 - dékabir küni échilghan "Abduréhim ötkür wapatining 20 yilliqini xatirilesh" yighinidin kéyin échilidighan tunji qétimliq xelq'araliq ilmiy yighin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet