Америка муавин президенти байдин түркийәни зиярәт қилди

Мухбиримиз үмидвар
2014-11-23
Share


Америка муавин президенти җов байдин түркийә сәпиридә америка билән түркийә мунасивәтлиригә баһа берип, америка билән түркийәниң 60 йиллиқ һәрбий иттипақиниң пүтүн йиллар бойичә әң күчлүк болуп келиватқанлиқини, бу икки дөләтниң бир - биригә муһтаҗ икәнликини тәкитлиди.

Б б с агентлиқиниң хәвәр қилишичә, җов байдин икки дөләт һәмкарлиқ мунасивәтлириниң чоңқурлуқини әскәртип,биз узун йиллардин буян дост өтүватимиз, әң муһими шуки мән йәнә түркийәдә достлар арисида, йәни шималий атлантик окян әһди тәшкилати бойичә иттипақдашлар арисида" дегән.

Җов байдин бу нуқтини давут оғлу билән болған сөһбәттин кейинки мухбирларни күтүвелиш йиғинида тәкитлигән иди.

Түркийә т р т радиосиниң хәвиридә ейтилишичә, туркийәгә үч күнлүк рәсими зиярәт билән кәлгән җов байдин түркийә баш министири давут оғлуниң истанбулдики сабиқ османли империйисиниң орда сарийи - долмабағча сарийидики ишханисида сөзлишип, һәмкарлиқ вә район характерлиқ мәсилиләрну музакирә қилған. Давут оғлу байдинниң зияритиниң техиму кәң көләмлик кеңишиш шараити һазирлап бәргәнликини ейтқан.

Т р т радиосиниң йезишичә, давутоғлу түркийә билән америкиниң кризис районлири вә киризисларниң һәл қилинишиға қарита тутуватқан позитсийәсиниң наһайити зор әһмийәткә игә икәнликини әскәрткән

Америка муавин президенти җов байдин шәнбә күни әнқәрәдә түркийә президенти тайип әрдоған билән көрүшкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт