Amérika mu'awin prézidénti baydin türkiyeni ziyaret qildi

Muxbirimiz ümidwar
2014-11-23
Share


Amérika mu'awin prézidénti jow baydin türkiye sepiride amérika bilen türkiye munasiwetlirige baha bérip, amérika bilen türkiyening 60 yilliq herbiy ittipaqining pütün yillar boyiche eng küchlük bolup kéliwatqanliqini, bu ikki döletning bir - birige muhtaj ikenlikini tekitlidi.

B b s agéntliqining xewer qilishiche, jow baydin ikki dölet hemkarliq munasiwetlirining chongqurluqini eskertip,biz uzun yillardin buyan dost ötüwatimiz, eng muhimi shuki men yene türkiyede dostlar arisida, yeni shimaliy atlantik okyan ehdi teshkilati boyiche ittipaqdashlar arisida" dégen.

Jow baydin bu nuqtini dawut oghlu bilen bolghan söhbettin kéyinki muxbirlarni kütüwélish yighinida tekitligen idi.

Türkiye t r t radi'osining xewiride éytilishiche, turkiyege üch künlük resimi ziyaret bilen kelgen jow baydin türkiye bash ministiri dawut oghluning istanbuldiki sabiq osmanli impériyisining orda sariyi - dolmabaghcha sariyidiki ishxanisida sözliship, hemkarliq we rayon xaraktérliq mesililernu muzakire qilghan. Dawut oghlu baydinning ziyaritining téximu keng kölemlik kéngishish shara'iti hazirlap bergenlikini éytqan.

T r t radi'osining yézishiche, dawut'oghlu türkiye bilen amérikining krizis rayonliri we kirizislarning hel qilinishigha qarita tutuwatqan pozitsiyesining nahayiti zor ehmiyetke ige ikenlikini eskertken

Amérika mu'awin prézidénti jow baydin shenbe küni enqerede türkiye prézidénti tayip erdoghan bilen körüshken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet