Түрк қисимлири «даиш» қарши уруш қилиш үчүн ираққа киргән

Мухбиримиз җүмә
2015-12-05
Елхәт
Пикир
Share
Принт


4 - Декабир түрк қисимлири террор тәшкилати - «даиш» җиһадчилириға қарши уруш қилиш вә ирақ қисимлирини тәрбийиләш үчүн ирақниң шәрқий қисмиға җайлашқан мосул шәһиригә йеқин бир райониға киргән.

Түркийә «йеңи шәпә» гезитиниң хәвәр қилишичә, бу районға җәмий 1200 түрк әскири 20 - 25 әтрапида танка вә бирқисм зәмбирәкләрму йөткәлгән.

Хәвәргә қариғанда, түрк қисимлири«даиш» алдинқи сепигә пәқәт километир 13 келидиған орунға җайлашқан.

Рейтерсниң нәқил қилишичә, өз кимликини ашкарилашни халимиған бир түрк хәвпсизлик хадими мундақ дегән:«түрк әскәрлири мосулниң башиқа райониға берип болди. Улар у йәрдә тәрбийиләш мәшғулати билән шуғуллиниду. Бу районға бир баталйон кирди.»

Әнглийә «һамий» гезитиниң хәвиригә қариғанда, башиқа алдинқи сепидики бир юқири дәриҗилик курд һәрбий офитсериму түрк әскәрлириниң мосулниң шәрқигә кирип болғанлиқини билдүргән. Униң ейтишичә, түрк һәрбий мәшқавуллири түрк бихәтәрлик қисимлириниң һәмраһлиқида пәйшәнбә күни кәчқурун йетип кәлгән.

Мәзкур хәвәр оттуриға чиққандин кейин, ирақ даирилири шәнбә күни баянат берип түркийәниң ираққа қанунсиз таҗавуз қилип киргәнликини билдүрди вә түркийәни ирақтин дәрһал чекинип чиқишқа чақириди.

Даиш 2014 - йили июндин буян ирақниң мосул шәһирини бесивалған иди.

Түркийә һөкүмәт хадиминиң ейтишичә, илгириму түрк мәшқавуллири бу районда ирақ вә курд қораллиқ қисимлирини тәрбийиләш хизмити билән шуғуллинип кәлгән.

Илгири сүрүлүшичә, түркийә ирақ чеграсидики курд аптономийә райони билән йеқин мунасивәттә болсиму, әмма сүрийәниң түркийә чеграсиға йеқин җайлашқан курдларни өзлиригә тәһдит һесаблайдикән.

Пикирләр (0)
Share
Толуқ бәт