Türk qisimliri "Da'ish" qarshi urush qilish üchün iraqqa kirgen

Muxbirimiz jüme
2015-12-05
Élxet
Pikir
Share
Print


4 - Dékabir türk qisimliri térror teshkilati - "Da'ish" jihadchilirigha qarshi urush qilish we iraq qisimlirini terbiyilesh üchün iraqning sherqiy qismigha jaylashqan mosul shehirige yéqin bir rayonigha kirgen.

Türkiye "Yéngi shepe" gézitining xewer qilishiche, bu rayon'gha jem'iy 1200 türk eskiri 20 - 25 etrapida tanka we birqism zembireklermu yötkelgen.

Xewerge qarighanda, türk qisimliri"Da'ish" aldinqi sépige peqet kilométir 13 kélidighan orun'gha jaylashqan.

Réytérsning neqil qilishiche, öz kimlikini ashkarilashni xalimighan bir türk xewpsizlik xadimi mundaq dégen:"Türk eskerliri mosulning bashiqa rayonigha bérip boldi. Ular u yerde terbiyilesh meshghulati bilen shughullinidu. Bu rayon'gha bir batalyon kirdi."

En'gliye "Hamiy" gézitining xewirige qarighanda, bashiqa aldinqi sépidiki bir yuqiri derijilik kurd herbiy ofitsérimu türk eskerlirining mosulning sherqige kirip bolghanliqini bildürgen. Uning éytishiche, türk herbiy meshqawulliri türk bixeterlik qisimlirining hemrahliqida peyshenbe küni kechqurun yétip kelgen.

Mezkur xewer otturigha chiqqandin kéyin, iraq da'iriliri shenbe küni bayanat bérip türkiyening iraqqa qanunsiz tajawuz qilip kirgenlikini bildürdi we türkiyeni iraqtin derhal chékinip chiqishqa chaqiridi.

Da'ish 2014 - yili iyundin buyan iraqning mosul shehirini bésiwalghan idi.

Türkiye hökümet xadimining éytishiche, ilgirimu türk meshqawulliri bu rayonda iraq we kurd qoralliq qisimlirini terbiyilesh xizmiti bilen shughullinip kelgen.

Ilgiri sürülüshiche, türkiye iraq chégrasidiki kurd aptonomiye rayoni bilen yéqin munasiwette bolsimu, emma süriyening türkiye chégrasigha yéqin jaylashqan kurdlarni özlirige tehdit hésablaydiken.

Toluq bet