Türkiye herbiyliri süriyege kirmekchi bolghan 7 neper xitay puqrasini qolgha alghan

Muxbirimiz qutlan
2015.02.23

B b s ning xewirige qarighanda, bügün türkiye herbiy terep türkiyedin süriyege kirmekchi bolghan 7 neper xitay puqrasini qolgha alghanliqi melum.

Xewerde déyilishiche, xitay puqraliqi ilgiri sürülüwatqan bu 7 neper kishi türkiyening jenubidiki xatay ölkisining süriye bilen chégralinidighan jayida tutulghan.

Bügün türkiyede chiqidighan “Yéngi shepeq” géziti türkiye armiyisining bash qomandanliq merkizining tor bétidin neqil keltürüp, süriye chégrasida qolgha élin'ghan 7 neper kishining Uyghur ikenlikini ilgiri sürgen. Emma ularning süriyege bérishtiki meqsitining néme ikenliki heqqide héchqandaq melumat bérilmigen.

Türkiye herbiy terepning ashkarilishiche, hazirgha qeder 91 dölettin süriyege bérish üchün yolgha chiqqan 10 minggha yéqin kishining türkiye térritoriyiside tosup qélin'ghanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.