Türkiye térrorluq teshkilati p k k gha qarshi hawa we quruqluqtin hujum bashlidi

Muxbirimiz méhriban
2015-09-08
Share


Seyshenbe künidiki xelq'ara metbu'atlarda kurt millitanlirining 6 - séntebir yekshenbe küni türk eskerlirige qilghan hujumidin kéyin, türkiye térrorluq teshkilati p k k gha qarshi hawa we quruqluqtin hujum bashlighan.

Amérika awazining 8 - séntebir xewer qilishiche, seyshenbe küni türkiye armiyisi iraqning shimalidiki kurtlarning p k k qoralliq millitanlirini 40 nechche ayropilan bilen 6 sa'et bombardiman qilghan. En'giliye b b s agéntliqining bu heqtiki xewiride bayan qilinishiche, yekshenbe küni shimaliy iraq chégrasi ichidiki daghlijada yüz bergen 16 türk eskirining ölümi, 6 eskerning yarilinishigha seweb bolghan p k k larning hujumidin kéyin, seyshenbe küni türkiyining sherqiy qismida minibusqa bomba bilen hujum qilish weqesi yüz bérip, yene 14 neper türk saqchisi kurt millitanlirining bombiliq hujumida ölgen.

Türkiye metbu'atliri xewerliride déyilishiche, seyshenbe küni daghlijadta ölgen türk eskerlirining miyit namizi chüshürülgen. Daghlijadiki térrorluq hujumidin kéyin türkiyining jumhur re'isi erdughanning riyasetchilikide xewpsizlik yighini chaqirilghan. Kurt millitanlirigha qaritilghan hawa hujumida türkiye küreshchi ayropilanliri térrorluq teshkilati p k k (PKK)ning 23 nuqtisini bombardiman qilghan. Türkiyining yüksek owa üchinchi herbiy qomandanliqi bilen hakkari alahide heriket qisimlirining tik uchur ayropilanlirimu bu qétimqi herbiy heriketke qatnashturulghan. Quruqluqtin élip bérilghan herbiy herikette hakkari sheher merkizige nurghunlighan herbiy aptomobillar ewetilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet