Türkiye qatarda herbiy baza tesis qilidu

Muxbirimiz eziz
2015-12-16
Share


Roytéris agéntliqining xewirige qarighanda, türkiye "Ortaq düshmenlerge taqabil turush" üchün qatarda herbiy baza tesis qilmaqchi bolghan. Bu heriket ikki dölet otturisida 2014 - yili imzalan'ghan kélishimning bir qismi bolup, hazirqi muqimsizliq amilliri künséri éship bériwatqan ehwalda zor ehmiyetke ige iken.

Xewerlerde déyilishiche, türkiye bilen qatar birdek "Musulmanlar qérindashliqi" ning misirdiki pa'aliyetlirige shundaqla süriyidiki besher esed hakimiyitini aghdurush herikitige yardem bériwatqan bolup, ular rusiyining esed küchlirige hemdemde boluwatqanliqini birdek eyiblep kelgen idi.

Turkiyening qatarda turushluq bash elchisi ehmed démir'oqning roytérs agéntliqigha bergen uchurigha qarighanda, bu türkiyening ottura sherq elliridiki tunji herbiy bazisi bolup hésablinidiken. Mezkur yéngi herbiy bazining qachan tamam bolidighanliqi namelum bolsimu, bu yéngi bazigha 3000 türk eskirining jaylishidighanliqi qeyt qilin'ghan.

Qatar dunyadiki eng bay döletlerning biri bolup, amérikining ottura sherqtiki eng chong hawa armiye bazisi mushu yerge jaylashqan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet