Түркийә рус учқучиниң җәситини қайтуруп беридиғанлиқини билдүрди

Мухбиримиз үмидвар
2015-11-29
Share


Түркийә баш министири әхмәт давутоғлу түркийә армийиси тәрипидин етип чүшүрүлгән русийәниң SU - 24 типлиқ бомбардиманчи айропиланниң учқучиси олег пешковниң җәситини русийә тәрәпкә тапшуруп беридиғанлиқини билдүргән.

Ройтерс агентлиқиниң хәвәр қилишичә, әхмәт давутоғлу түркийәниң хатай районидики правслав дини муритлириниң мәзкур учқучи үчүн диний қаидиләрни беҗиргәнлики, русийә тәрәпниң тәлипи бойичә җәсәтни русийә тәрәпкә қайтуруп беридиғанлиқини әскәрткән.

Б б с агентлиқиниң хәвәр қилишичә, русийәниң әнқәрәдики әлчиханисиниң һәрбий вәкили игор митаков рус учқучиниң җәситини әнқәрә айродромида русийә баш әлчиси вә әлчихана хадимлириниң тапшурувалидиғанлиқини ейтқан болсиму, әмма җәсәтниң қачқан елип келинидиғанлиқи ениқ әмәсликини билдүргән.

SU - 24 Типлиқ русийә бомбардиманчи айропилани 24 - ноябир күни түркийә һава армийисиниң һуҗумчи айропилани тәрипидин етип чүшүрүлгән болуп, түркийә тәрәп русийә айропиланиниң агаһландурушқа қулақ салмай түркийә тәвәликигә киргәнликини ейтқан, әмма русийә тәрәп болса русийә айропиланиниң сүрийә чеграси ичидә икәнликини көрсәткән.

Мәзкур вәқәдин кейин түркийә - русийә мунасивәтлири бирдинла җиддийлишип кәткән болуп, русийә президенти путин шәнбә күни түркийәгә қарита ембарго қойидиғанлиқини җакарлиди. Русийә тәрәп русийә пуқралириниң түркийәгә саяһәткә бармаслиқи, түркийә сода ширкәтлириниң русийәдики паалийәтлиригә қарита мунасивәтлик чәклимиләрни қоюш, түркийә мәһсулатлириниң русийәгә киришигә чәклимә қоюш, русийә - түркийә арисидики визисиз түзүмни бикар қилиш вә башқиларни елан қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт