Türkiye bilen rusiye otturisida partlighan krizis dawamliq ötkürleshti. Türkiye prézidénti erdoghan peyshenbe küni rusiyedin epu sorashni ret qilghan. U, amérika téléwiziye qanili CNN ning ziyaritini qobul qilghanda, “Özre tileydighan terep bar bolsa u biz emes, hawa boshluqimizgha mudaxile qilghanlar özre tilishi kérek” dégen.
Buningdin awwal rusiye prézidénti wladimir putin, türkiyening örür tilishini kütüwatqanliqini bildürgen idi. Türkiye charshenbe küni rusiyening SU-24 tipliq bir urush ayropilanini étip chüshürüwetken. Rusiye buninggha keskin inkas qayturup, süriyediki herbiy küchlirige hawadiki herqandaq tehditni so'al-soraqsiz urup chüshürüsh buyruqi bergen.
Shuning bilen birge u, süriyening lazkiye rayonidiki herbiy bazisigha S-400 tipliq ayropilan'gha qarishi bashqurulidighan bomba orunlashturidighanliqini élan qilghan. Mezkur baza türkiye chégrasigha alahazel 50 kilométir kélidu.
Rusiye yene, süriyediki türkiye qollawatqan qoralliq öktichi guruhlarni bombardiman qilishni kücheytken. Shiddetlik bombardiman netijiside peyshenbe küni qoralliq türkmen öktichi küchler kontrol qilip turghan, türkiyege chégridash qiziltagh rayoni esed armiyisining qoligha ötken.
Rusiye tünügün yene süriye chégrasida musapirlargha yardem buyumi élip mangghan bir türk yük aptomobil etritini bombardiman qilghan idi. Réytérs agéntliqining bildürüshiche, bombardimanda 7 adem ölgen.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- B d t ning ichki qismidiki nishanigha muxalip qilmishliri we Uyghur mesilisi
