Erdoghan türkiyening shangxey hemkarliq teshkilatigha kirish arzusini ipade qildi

Muxbirimiz ümidwar
2016.11.20


Türkiye prézidenti rejep tayip erdoghan özbékistanning semerqend shehiridiki ziyaritini axirlashturup, qaytish sepiride qilghan sözide türkiyening shangxey hemkarliq teshkilatigha kirish ümidini ipade qilish bilen yawropa ittipaqining türkiyeni bu yawropa ittipaqigha qobul qilmay kéliwatqanliqini tenqid qilghan.

B b s agéntliqining xewer qilishiche, prézidént erdoghan türkiyening yawropa ittipaqigha kirgenning ornigha shangxey hemkarliq teshkilatigha kirish mesilisini tilgha élip, “Türkiye shangxey beshliki ichide némishqa bolmisun?” dégen we özining bu pikrini rusiye prézidénti putin we qazaqistan prézidénti nazarbayéfqa éytqanliqini eskertken.

Melumki, 2013-yili shangxey hemkarliq teshkilati türkiyege bu teshkilatning di'alog shériki dégen salahiyetni bergen idi. Elwette rusiye, xitay, qazaqistan, qirghizistan, özbékistan, tajikistan qatarliq döletler resmi eza bolghan bu teshkilatta, mongghuliye, hindistan, pakistan, iran we afghanistan közetküchilik salahiyige ige bolghan idi.

Türkiye “Trt” radi'osining xewiride éytilishiche, prézidént erdoghan yene yawropa ittipaqining 53 yildin buyan türkiyeni “Koldurlatqanliqi”ni, nöwette yawropa ittipaqining latin amérikasi ellirige qarita wizini bikar qilsimu, emma türkiyeni “Koldurlitiwatqanliqi” we hetta lidirlar yighinlirigha türkiyeni chaqirmaywatqanliqini tilgha alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.