Түркийә баш министири: түркийә йеқин кәлгүсидә ирақ яки сүрийәгә йәр йүзидин һәрбий һәрикәт қозғимайду

Мухбиримиз җүмә
2015-11-15
Share


Әл җәзирә телевизийисиниң хәвәр қилишичә, түркийә баш министири әһмәт давутоғлу җүмә күни әгәр түркийә дөләт ичи вә сиртидики террорчиларниң һуҗумиға учримисила, йеқин кәлгүсидә ирақ яки сүрийәгә йәр йүзидин һәрбий һәрикәт қозғимайдиғанлиқини билдүргән.

Әмма у, түркийәниң нөвәттә башқа дөләтләр билән һәмкарлишип, сүрийәдә бир қоғдиниш бәлвеғи бәрпа қилишқа тиришиватқанлиқини ейтқан.

У йәнә террорчилар һуҗум қилған тәқдирдә, америка вә башқиларниң қандақ пикирдә болушидин қәтий нәзәр, түркийәниң өзини қоғдаш һоқуқни барлиқини тәкитлигән.

У йәнә түркийәниң терроризмға қарши алдинқи сәптә җәң қиливатқанлиқини алаһидә әскәрткән.

Бу йил киргәндин буян, түркийә июлдики суруҗ һуҗуми вә өктәбирдики әнқәрә һуҗумидин ибарәт икки қетимлиқ зор көләмлик террорлуқ һуҗумиға учриған. Бу һуҗумларда җәмий аз дегәндә 130 ға йеқин адәм өлгән, бир нәччә йүз адәм яриланған иди.

Даириләр һәр иккила қетимлиқ һуҗумниң ислам дөлитидин кәлгәнликни илгири сүрүшкән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт