Türkiye bash ministiri: türkiye yéqin kelgüside iraq yaki süriyege yer yüzidin herbiy heriket qozghimaydu

Muxbirimiz jüme
2015-11-15
Élxet
Pikir
Share
Print


El jezire téléwiziyisining xewer qilishiche, türkiye bash ministiri ehmet dawut'oghlu jüme küni eger türkiye dölet ichi we sirtidiki térrorchilarning hujumigha uchrimisila, yéqin kelgüside iraq yaki süriyege yer yüzidin herbiy heriket qozghimaydighanliqini bildürgen.

Emma u, türkiyening nöwette bashqa döletler bilen hemkarliship, süriyede bir qoghdinish belwéghi berpa qilishqa tirishiwatqanliqini éytqan.

U yene térrorchilar hujum qilghan teqdirde, amérika we bashqilarning qandaq pikirde bolushidin qet'iy nezer, türkiyening özini qoghdash hoquqni barliqini tekitligen.

U yene türkiyening térrorizmgha qarshi aldinqi septe jeng qiliwatqanliqini alahide eskertken.

Bu yil kirgendin buyan, türkiye iyuldiki suruj hujumi we öktebirdiki enqere hujumidin ibaret ikki qétimliq zor kölemlik térrorluq hujumigha uchrighan. Bu hujumlarda jem'iy az dégende 130 gha yéqin adem ölgen, bir nechche yüz adem yarilan'ghan idi.

Da'iriler her ikkila qétimliq hujumning islam dölitidin kelgenlikni ilgiri sürüshken idi.

Toluq bet