Türkiye taylandtiki partlashqa chétishliq gumandarlargha a'it uchurlarning mujimellikini bildürdi

Muxbirimiz irade
2015-09-03
Share


Türkiye tashqi ishlar ministirliqi muxbirlargha, taylandtiki partlashta türkiye puqralirigha chétilidighanliqigha a'iـt xewerlerning nahayiti mujimellikini, tayland da'irilirining buni derhal aydinglashturushi kéreklikini bildürgen.

Tayland da'iriliri bankoktiki partlashqa chétishliqi barliqini ilgiri sürüwatqan 8 neper jinayet gumandarining eng az dégende ikki nepirining türkiye puqrasi bolushi mumkinlikini bildürgen idi. Birleshme agéntliqining xewer qilishiche, türkiyining taylandta turushluq elchixanisi peyshenbe küni élan qilghan bayanatida, bu weqening türkiye puqralirigha chétilidighanliqigha guman bilen bilen qaraydighanliqini bildürgen we hazirghiche tayland da'iriliridin özlirige bir resmiy bir uqturush kelmigenlikini bildürgen.

Türkiye elchixanisi bayanatida yene, türkiye tashqi ishlar ministirliqi bayanatchisining sözini neqil qilip turup, tayland da'irilirini weqe heqqide "Éniq we toghra" uchurlarni élan qilishqa chaqirghan.

Tayland da'iriliri bankoktiki partlash yüz bérip, arqidinla élan qilghan bayanatida, qolida héchqandaq ispat yoq bir shara'itta "Partlashning Uyghurlargha chétishliq bolush éhtimalliqini chetke qaqmaydighanliqi"ni bildürüsh arqiliq naraziliq qozghiwalghan idi. Emma ularning yenila éniqsiz melumatlarni bérishni dawam qilishi weqege qarita guman peyda qilmaqta. Dunya Uyghur qurultiyimu aldinqi künidiki bayanatida tayland hökümitini weqening pakitlirini ochuq élan qilishqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet