Әрдуған түркийәниң 2 миң террорчини өлтүргәнликини билдүргән

Мухбиримиз җүмә
2015-10-31
Share


Түркийә йеқиндин буян дөләт ичи - сиртида 2 миң террорчини өлтүргәнликини билдүргән.

Рейтерста хәвәр қилишичә, бу сөзләрни түркийә президенти рәҗәп таййп әрдуған җүмә күни оттуриға қойған.

Рейтерста ахабар телевизийәсигә ейтқанлиридин нәқил елип хәвәр қилишичә, әрдуған мундақ дегән: “һазир дөлитимизниң ичи вә сиртидики террорчилардин икки миңи өлтүрүлди.”

Түркийә йеқинқи бир нәччә айдин буян бир нәччә қетим зор террорлуқ һуҗумлириға учриған иди.

Буларниң бири бу айниң 10 - күни әнқәрәдики чоң вогзал йенида йүз бәргән террорлуқ һуҗуми. Бу һуҗумда аз дегәндә 100 адәм өлгән, 250 кә йеқин адәм яриланған.

Түркийә һөкүмити мәзкур һуҗумларниң ислам дөлити тәрипидин елип берилғанлиқини билдүргән иди.

Түркийә америкиниң ислам дөлити җиһадчилириға қарши иттипақдиши болуш сүпити билән ислам дөлитигә қарши урушни хели бурунла башлиған вә униңдин башқа түркийә ичи вә әтрапидики курд қораллиқ күчлиригә һәрбий һәрикәт қозғиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт