Түркийә аманлиқ күчлири истанбулниң силиври районида бир түркүм уйғурларни тутқун қилған

Мухбиримиз әркин
2017.01.06
Share on WhatsApp
Share on WhatsApp

Түркийә аманлиқ күчлири пәйшәнбә күни истанбул сиртидики бир олтурақ районда басқун елип берип, бир түркүм уйғурни тутқун қилған.

Бирләшмә агентлиқи җүмә күни анатолийә агентлиқидин нәқил кәлтүрүп бәргән хәвиридә, түрк аманлиқ күчлириниң пәйшәнбә күни истанбулниң силиври районидики бир олтурақ районида хитайдин кәлгән бир түркүм мусулман уйғурларни тутқун қилғанлиқини, әмма тутқунларниң сани елан қилинмиғанлиқини билдүргән.

Бирләшмә агентлиқиниң қәйт қилишичә, тутқунлар рейна қәтлиаминиң гумандариға ярдәм қилған яки қоллиған, дегән гуман билән тутқун қилинған. Йеңи йил кечиси истанбулниң ортакөй районидики рейна кәчлик кулуби террорлуқ һуҗумға учрап, 30 адәм өлтүрүлгән, 60 тин артуқ адәм яриланған. Әмма һуҗумчи нәқ мәйдандин қечип кәткән иди.

Террорлуқ тәшкилат -даеш террорлуқ һуҗумни өзлириниң елип барғанлиқини билдүргән. Түрк һөкүмити террорлуқ гумандариниң уйғур болуши зор еһтималлиқ икәнликини илгири сүргән. Бу, уйғур паалийәтчилирини қаттиқ биарам қилған.

Улар баянат елан қилип, террорлуқ һуҗумни“түрк-уйғур қериндашлиқиға қилинған суйиқәст” дәп әйиблигән. Түрк аманлиқ күчлири силивридики басқундин бир күн аввал измир шәһиридә басқун елип берип, 9 әркәк, 11 аял болуп 20 кишини тутқун қилған. Түрк ахбарати тутқунларниң сүрийәдин қайтқан дағистанлиқлар вә уйғурлар икәнликини илгири сүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.