Türkiye amanliq küchliri istanbulning siliwri rayonida bir türküm Uyghurlarni tutqun qilghan

Muxbirimiz erkin
2017-01-06
Share

Türkiye amanliq küchliri peyshenbe küni istanbul sirtidiki bir olturaq rayonda basqun élip bérip, bir türküm Uyghurni tutqun qilghan.

Birleshme agéntliqi jüme küni anatoliye agéntliqidin neqil keltürüp bergen xewiride, türk amanliq küchlirining peyshenbe küni istanbulning siliwri rayonidiki bir olturaq rayonida xitaydin kelgen bir türküm musulman Uyghurlarni tutqun qilghanliqini, emma tutqunlarning sani élan qilinmighanliqini bildürgen.

Birleshme agéntliqining qeyt qilishiche, tutqunlar réyna qetli'amining gumandarigha yardem qilghan yaki qollighan, dégen guman bilen tutqun qilin'ghan. Yéngi yil kéchisi istanbulning ortaköy rayonidiki réyna kechlik kulubi térrorluq hujumgha uchrap, 30 adem öltürülgen, 60 tin artuq adem yarilan'ghan. Emma hujumchi neq meydandin qéchip ketken idi.

Térrorluq teshkilat -da'ésh térrorluq hujumni özlirining élip barghanliqini bildürgen. Türk hökümiti térrorluq gumandarining Uyghur bolushi zor éhtimalliq ikenlikini ilgiri sürgen. Bu, Uyghur pa'aliyetchilirini qattiq bi'aram qilghan.

Ular bayanat élan qilip, térrorluq hujumni“Türk-Uyghur qérindashliqigha qilin'ghan suyiqest” dep eyibligen. Türk amanliq küchliri siliwridiki basqundin bir kün awwal izmir shehiride basqun élip bérip, 9 erkek, 11 ayal bolup 20 kishini tutqun qilghan. Türk axbarati tutqunlarning süriyedin qaytqan daghistanliqlar we Uyghurlar ikenlikini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet