Türkiye hökümiti Uyghur rayonigha wekiller ömiki ewetidiken

Muxbirimiz jewlan
2022.08.05
Share on WhatsApp
Share on WhatsApp

“Jenubiy xitay seher pochtisi” gézitining xewer qilishiche, b d t kishilik hoquq aliy komissari mishél bachélét Uyghur rayonini ziyaret qilip 2 ay ötkende, xitay hökümiti türkiye wekiller ömikining Uyghur rayonigha kélishige yol qoymaqchi bolghan.

Kambodzhada ötküzülgen jenubiy asiya döletliri birleshme yighinigha qatnashqan xitay tashqi ishlar ministiri wang yi 8-ayning 3-küni türkiye tashqi ishlar ministiri mewlut chawush'oghlugha türkiye wekiller ömikining xitaygha kélishini qarshi alidighanliqini bildürüp: “Xitay hökümiti shinjang mesiliside izchil halda ochuq-ashkara bolup keldi” dégen. Wang yi yene Uyghurlar mesiliside türkiye bilen dawamliq pikir almashturidighanliqini, türkiye bilen yéngi iqtisadiy gewde qurush üchün dawamliq hemkarlishidighanliqini bildürgen.

Mewlut chawush'oghlu türkiye hökümitining “Bir xitay” siyasitide ching turidighanliqini, yalghuz teywen mesilisigila emes, shinjang mesilisigimu köngül bölidighanliqini éytqan. U yene mishél bachélétning Uyghur rayonini ziyaret qilghanliqidin xushal bolghanliqini, pat arida türkiyedin bir ömekni ewetish heqqide xitay terep bilen alaqilishishni ümid qilidighanliqini bildürgen.

Xewerde körsitilishiche, Uyghurlar mesilisi türkiye bilen xitay otturisidiki nazuk mesile bolup, türkiyede yashawatqan 50 mingdin köp Uyghurning teqdirimu bu ikki döletning menpe'et munasiwitide halqiliq rol oynaydiken. Mishél bachélétning 2 ay burunqi “Shinjang ziyariti” netijisiz ayaghlashqan bolup, türkiye ewetidighan ömekning tekshürüsh ömiki emes, ziyaret ömiki bolidighanliqini nezerde tutqanda uning netijisiningmu xitay kütkendek bolidighanliqini perez qilishqa bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.