Түркийәдики икки өктичи партийә һөкүмәтни уйғур мәсилисигә сүкүт қилишиниң сәвәбигә чүшәнчә беришкә чақирди

Мухбиримиз әркин
2021.02.08
Share on WhatsApp
Share on WhatsApp

Түркийәдә әрдоғанниң һакимийәт бешидики адаләт-тәрәққият партийәсидин бөлүнүп чиққан демократийә вә алға партийәси билән келәчәк партийәси әрдоған һөкүмити вә униң қоллиғучиси болған MHP ниң немә үчүн уйғур мәсилисигә сүкүт қилидиғанлиқиға чүшәнчә беришини тәләп қилған. Бу чақириқни келәкчәк партийәсиниң рәиси, сабиқ баш министир әхмәт давутоғлу билән демократийә вә алға партийәсиниң рәиси, сабиқ муавин баш министир али бабаҗан 8-феврал өткүзгән бирләшмә ахбарат йиғинида қилған.

Али бабаҗан һазир уйғур елида наһайити җиддий кишилик һоқуқ дәпсәндичилики йүз бериватқанлиқи, һәтта бәзи хәлқара доклатларда буниң “ирқий қирғинчилиқ” дәп көрситиливатқанлиқини билдүрүп: “һазир биз һәйранлиқ билән шу реаллиқни көриватимиз, у болсиму һазирқи һөкүмәтниң, һөрмәтлик әрдоған вә баһчәлиниң бу реаллиқни тамамән көрмәскә селишидур,” дегән. Униң тәкитлишичә, һазирқи әң чоң соал һөкүмәтниң “немә үчүн бунчилик чоң кишилик һоқуқ дәпсәндичикигә җим турувелиши” икән.

Йиғинда давутоғлу уйғурларниң еғир қәтлиам, җаза лагири вә “ирқий қирғинчилиқ” қа учраватқанлиқи, аялларниң опчә басқунчунчилиқ учраватқанлиқи вә туғмас қилиниватқанлиқи, американи баһанә қилип, хитайниң қилмишини қанунластурушниң кишилик һоқуқтики бир “қара дағ” икәнликини, түркийәниң сүкүт қилишиға әрдоған һөкүмитиниң җавабкар икәнликини тәкитлигән. У: “пүтүн бу зулумға сүкүт қилиниватқан реаллиқниң арқисида зади қайси сода мунасивәт, қандақ бағлиниш вә хитай тәминлигән қандақ амиллар бар?” дәп соал қойған.

Әхмәт давутоғлу билән али бабаҗан бу сөзләрни түркийәдики “улусал” телевизийә қанили мухбириниң америка демократийәни алға суруш фондиниң 2004-йилдин буян уйғурларни 8 милйон 700 миң доллардин артуқ пул билән тәминлигәнлики, уларниң буниңға қандақ қарайдиғанлиқи һәққидики суаллиға җавабән ейтқан. “улусал” телевзийә қанили түркийәдики хитайпәрәс солчи “вәтән партийәси” ниң қанили болуп, бу партийә изчил уйғурларни терорлуқ билән әйибләп, хитайниң тәшвиқатини қилип кәлгән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.