Da'iriler turpan karizlirini eslige keltürüsh qurulushigha meblegh sélishqa bashlighan

Muxbirimiz qutlan
2015-07-27
Share


Xelq tori Uyghurche qanilining xewirige qarighanda, xitay da'iriliri yoqilishqa qarap yüzlen'gen turpan karizlirini eslige keltürüsh üchün xéli köp miqdarda meblegh séliwatqanliqi melum.

Melumki, kariz qurulushi turpan - qumul oymanliqida nechche ming yillardin buyan dawamliship kelgen, yer asti süyidin ünümlük paydilinishni meqset qilghan su qurulush sistémisidur.

Tekshürüshlerge asaslan'ghanda, 2000 - yillarning bashlirigha qeder turpan rayonidiki 1108 karizdin peqet 278 karizdila su qalghan. Qumul rayonidiki karizlarning yoqilish sür'iti téximu téz bolghan. Kariz mutexessislirining tetqiqatigha qarighanda, 1980 - yillarning axiriliridin taki 2009 - yilighiche bolghan 30 yilgha yéqin waqit ichide turpan - qumul oymanliqidiki minglarche kariz qurup ketken. Bu dunyada eng uzun tarixqa ige qedimiy su insha'ati qurulushining bügünki künde eng téz sür'et bilen weyran qilininishi hésablinidiken.

Mutexessisler turpan - qumul oymanliqidiki karizlarning qurup kétishide rayondiki ékologiyelik muhitning éghir derijide buzghunchiliqqa uchrighanliqi we yer asti süyini qalaymiqan échishning seweb bolghanliqini tekitlimekte. Bolupmu, turpan - qumul oymanliqidiki néfit bayliqining hessilep qézilishi bu yerdiki karizlarning téz sür'ette qurup kétishini tézletken.

Közetküchiler, bügünki künde xitay hökümitining turpan karizlirini eslige keltürüsh üchün zor miqdarda meblegh salghanliqini dawrang qilishi, emeliyette ularning aldi bilen weyran qilip arqidin tüzeshni oylishishtek muhit krizisini ashkarilap béridu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet