Da'iriler turpan bilen korlini biwasite tutashturidighan 2 - tömüryol liniyisidiki muhim tunél qurulushini tamamlighan
Uyghur élining tebi'iy bayliqi intayin tiz sürette qéziliwatqan, xitay köchmenliri Uyghur tupraqlirigha jiddiy rewishte köchürülüwatqan bir peytte, xitay da'iriliri turpan bilen korlini biwasite tutashturidighan 2 - tömüryol liniyisidiki muhim tunél qurulushini tamamlighan.
Qurulushini xitay tömüryol idarisi 18 - qurush guruppisi höddige alghan bolup, tunél 28 - féwral tamamlan'ghan.
Xitay axbaratlirigha qarighanda, bu tunélning uzunluqi 22 kilométirgha yétidighan bolup, Uyghur éldiki eng uzun, xitaydiki 3 uzun tunél hésablinidiken.
Xewerlerge qarighanda, bu tomur yolning omumiy uzunluqi 333.86 Kilométir kélidighan bolup, turpanni korligha biwasite tutashturidiken.
Eger, bu yol pütse turpandin korligha kélish musapisi 122 kilométir qisqiraydiken.
Korla Uyghur élidiki néfit, tebi'iy gaz we neshpüt bazisi. Xitayning “Gherbning gazini sherqqe yötkesh 1 - turuba liniyisi” korla tewesidiki tarim néfitlikidin bashlinidu.
Xitay hökümiti 2010 - yildiki atalmish “Shinjang xizmet yighini” din kéyin, Uyghur élidiki yer asti bayliqini qézish qedimi téximu tézletken.
Xitay da'iriliri Uyghur élidiki tömüryol liniyisini xoten'ge yetküzgen bolsimu, bu yol hazirche taq liniyilik idi.
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Qeshqerde lagérgha adem tutushta xizmet körsetken saqchining qizimu 10 yilliq késilgen
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- B d t kishilik hoquq aliy komissari bachélétning xitay ziyariti resmiy bashlandi
