Тйәнәнмен мәйданида вәқә йүз берип 5 киши өлгән, 38 киши яриланған

Мухбиримиз шөһрәт һошур
2013-10-28
Share

Бүгүн йәни 28-өктәбир күни тйәнәнмен мәйданида вәқә йүз берип 5 киши өлгән вә 38 киши яриланған; хитай вә хәлқара хәвәрләрдә баян қилинишичә, чүш мәзгили саәт 12 дин 20 өткәндә, ичидә 3 киши болған бир аптомобил, тйәнәнмен мәйданидики ришаткиниң бир бөликигә қаттиқ соқулған вә ришаткини бөсүп өтүп пиядиләр йолидики кишиләргә урулған.

Шинхуаниң хәвиридә баян қилинишичә, аптомобил ришаткиға урулғандин кейин машиниға от кәткән. Ройтерсниң хәвиридә баян қилинишичә машиниға от кетишниң алдида партлаш авази чиққан.

Мәлум болушичә, вәқәдә аптомобилдики 3 киши билән бирликтә җәмий 5 киши өлгән вә 38 киши яриланған. Вәқәдин кейин сақчилар мәйдандики саяһәтчиләрни тарқақлаштуруш билән бирликтә шәһәрниң бир қисим пойиз бекәтлирини тақап йолучилар үстидин тәкшүрүш елип барған.

Бүгүнки ахбарат елан қилиш йиғинида бир мухбир хитай ташқи ишлар баянатчисидин вәқәниң террорлуқ вәқәси яки әмәсликини сориған; баянатчи өзиниң вәқәниң тәпсилатидин хәвәрсизликини билдүргән.

Хитайчә б б с ниң бу һәқтики хәвиридә билдүрүлүшичә, тйәнәнмен мәйдани бәзидә хитайдики бир қисим кишиләрниң өз наразилиқини ипадиләйдиған сәһниси болуп кәлгән. 2011-Йили күздә, сот һөкүмигә нарази болған бир әрздар тйәнәнмен мәйданидики мав зедоңниң һәйкили алдида өзигә бензин төкүп от қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт