Xitay hökümiti tyen'enmén hujumini “Sherqiy türkistan islam herikiti” ge baghlidi

Muxbirimiz erkin
2013.11.01

Xitay merkizi siyasiy qanun komitétining sékrétari ming jyenju, sherqiy türkistan islam herikiti 28 ‏-öktebir tyen'enmén aptomobil hujumining arqisidiki küch ikenlikini bildürgen.

Lékin, weqeni sadir qilghan osman hesen, ayali we uning 70 nechche yashliq anisining sherqiy türkistan islam herikiti bilen qandaq munasiwiti barliqi toghriliq konkrét pakitni otturigha qoymighan.

U: bu ighwagerchilikning arqisidiki küch, ottura asiya we gherbiy asiyani baza qilghan “Sherqiy türkistan islam herikiti” dégen.

28‏-Öktebir yüz bergen hujumda 5 adem ölgen, ölgenlerning 3 nepiri hujumchi élip barghuchi osman hesen, gülqiz, quwanxan qatarliq oghul, kélin we ana bir a'ile kishiliridur.

Ming jyenju, bu weqe xitayning jiddiy we teshkillik térrorluq tehditige duch kéliwatqanliqining ipadisi, dep körsetken.

Biraq, ming jyenjuning sözi xelq'ara közetküchilerning gumanini qozghidi.

Birleshme agéntliqining körsitishiche, kishilik hoquq közitish teshkilatining xongkongda turushluq xadimi nikolas békulin ming jyenjuning sözini “Gumanliq” dep tekitligen. Lékin u, bu xil zorawanliq weqesi “Sherqiy türkistan islam herikiti” ning mewjut ikenliki yaki bu weqeni uning élip barghanliqining ispati emes, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.