Yawropa parlaméntida Uyghur mesilisi we tyen'enmén hujumi heqqide muhakime yighini échilmaqchi

Muxbirimiz shöhret hoshur
2013-12-02
Élxet
Pikir
Share
Print

Yawropa parlaméntining ezasi Niccolo Rinaldi bilen wakaletsiz milletler teshkilatining birlikte uyushturushida, mushu ayning 17-küni yawropa parlaméntida "Xitay rehberliri Uyghur mesiliside perqliq yol tutushqa teyyarmu?" dégen témida muhakime yighini échilmaqchi.

Wakaletsiz millet teshkilatining tor bétide élan qilin'ghan bu heqtiki uqturushta bayan qilinishiche, mezkur yighinda Uyghur rayonining nöwettiki insan heqliri weziyiti we bu weziyetning 28-öktebir küni béyjingda yüz bergen tyen'enmén'ge aptomobil bilen hujum qilish weqesi arisidiki munasiwet tehlil qilinidu.

Yighinda rayonning insan heqliri we bixeterlik weziyitini közitip kéliwatqan mutexessisler, tetqiqatchilar we yuqiri derijilik siyasiy erbablar xitay yéngi rehberlik qatlimining Uyghur rayonidiki milletler munasiwitini qaysi yönilishke yüzlendürüsh éhtimalliqi we bu jeryanda yawropa birlikining oyniyalaydighan roli heqqide pikir we mulahizilirini otturigha qoyidu.

Mezkur uqturushtin yene melum bolushiche, yighin Uyghurche bir parche shé'irni déklamatsiye qilish bilen bashlinidu.

Toluq bet