“Tyen'enmén aniliri” namliq kishilik hoquq teshkilati xitay rehberlirining tarixiy mes'uliyitidin qéchip qutulalmaydighanliqini agahlandurghan

Muxbirimiz qutlan
2015.06.01

1989-Yilidiki tyen'enmén qirghinchiliqining 26 yilliqi munasiwiti bilen “Tyen'enmén aniliri” namliq xitay kishilik hoquq teshkilati bügün bayanat élan qilghan.

Bayanatta mundaq déyilgen: “Junggo rehberliri 1989-yilidiki ‛4-iyun qetli'ami‚ we uning tarixiy mes'uliyitidin hergizmu qéchip qutulalmaydu.”

Mezkur bayanatta xitay bash ministiri li kéchyangning 2015-yili martta yaponiye rehberlirige qaritip éytqan mundaq sözliri neqil keltürülgen: “Bir döletning rehberliri özliridin burunqi siyasetchilerning ornigha warisliq qilipla qalmastin, belki yene aldinqi ewlad rehberlerning tarixta ötküzgen jinayetlirigimu mes'ul bolushi lazim.”

“Oxshash mentiq boyiche éytqanda,” - dep so'al qoyidu mezkur kishilik hoquq teshkilati: - “Maw zédung bilen déng shyawping keltürüp chiqarghan 1960-yillardiki acharchiliq we 1989-yilidiki tyen'enmén qirghinchiliqi qatarliq zor tarixiy jinayetlerning mes'uliyitini bügünki junggo rehberliri néme üchün öz üstige almaydu?”

Mezkur bayanatta yene, xitay da'iriliridin 1989-yilidiki tyen'enmén qetli'amida zadi qanchilik oqughuchining öltürülgenlikini ochuq élan qilish telep qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.