Tyenjin portida yene partlash yüz berdi

Muxbirimiz méhriban
2015-10-13
Share

Xitayning shinxu'a agéntliqi 12-öktebir düshenbe küni yérim kéchide tyenjin portida partlash yüz bergenliki, emma ölüsh-yarilinish ehwali körülmigenlikini xewer qildi.

Bu yil 12-awghust küni del mushu portta 165 ademning ölüshi 700 din artuq ademning yarilinishgha seweb bolghan ximiyilik buyumlar iskilatidiki partlash weqesi yüz bergen bolup, téxi ikki hepte ilgirila xitay da'iriliri porttiki bixeterlik tekshürüshining tamamlan'ghanliqini élan qilghan idi.

Del ikki ay bolghan kéchisi, yene eyni portta oxshash partlashning yüz bérishi diqqet qozghidi. Xitay hökümet xewerliride bu qétimqi partlash heqqide tepsiliy xewerler bérilmigen bolsimu, emma ijtima'iy taratqulardiki süretlik xewerlerde kéchidiki partlashning birqanche qétim tekrarlan'ghanliqi we partlashtin kéyin ot sharchiliri we yalqunining asman'gha kötürülgenliki tilgha élindi.

Radi'omiz seyshenbe küni tyenjin'ge téléfon qilip ehwal igiliginide, hökümet xadimliri weqe heqqide tepsiliy melumat bérishni ret qildi. Sheher ahalisi bolsa hökümetke naraziliqini ipadilidi.

Wang famililik bir ayal "Hökümet weqede yarilinish ehwali bolmidi dep xewer berdi. Emma bu yerde xewerler qamal qiliniwatidu. Biz puqralar partlashning sewebi we qandaq buyumlarning partlighanliqidin xewersiz. Ot sharchiliri ötken qétimdikige oxshap turidu. Eger yenila zeherlik ximiyilik partlighuchi buyumlar ambirida partlash yüz bergen bolsa, partlashtin kéyinki muhit bulghinishi téximu éghir bolidu. Biz hökümettin bundaq xeterlik buyumlar zawuti we iskilatlirini ahaliler rayonidin yiraq tutushni üzlüksiz telep qilip kéliwatimiz, emma ular awazimizgha qulaq salmidi" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet