Amérika Uyghur birleshmisi qatarliq teshkilatlar APEC ishtirakchilirini xongkong mesilisini muzakire qilishqa chaqirdi

Muxbirimiz erkin
2014.11.07

Junggo puqralar küchi, amérika Uyghur birleshmisi qatarliq xitay, Uyghur, tibet, mongghul kishilik hoquq teshkilatliri birleshme bayanat élan qilip, béyjingda bashlan'ghan a t i h m bashliqlar yighinida xongkong weziyitini muzakire qilishni telep qildi.

Bayanatta, “Biz barliq rehberlerni xongkong mesilisini muzakire pilanigha kirgüzüshke chaqirimiz. Chünki, bu démokratiyeni algha sürüshke yardemchi bolidu” déyilgen. Bayanatta ilgiri sürüshiche, démokratik sistéma asiya-tinch okyanda erkin soda rayoni berpa qilishtiki muhim ölchemlerning biri.

Bayanatta, yene, a t o i h m ning shangxey yighinida térrorluqqa qarshi ortaq pikir hasil qilghanliqini, bu qétim béyjing yighinida chériklik mesilisi muzakire qilinidighanliqini bildürüp, béyjing hökümitining xongkong qararini qayta oyliship körüshke chaqirghan.

A t i h t iqtisadiy hemkarliq munbiri bolsimu, biraq bu organ 2001‏-yili chaqirilghan shangxey yighinida, térrorluqqa qarshi turush toghruluq pikir birliki hasil qilghan.

Lékin eyni chaghdiki amérika prézidénti jorj bosh, xitayni térrorluqni bahane qilip, az sanliq milletlerning hoquqigha buzghunchiliq qilmasliqqa agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.