Xitay hökümiti üch perzentlik bolushni yolgha qoydi

Muxbirimiz eziz
2021-05-31
Share

Xitay hökümiti özlirining nopus qurulmisida körülüwatqan mesililerni hel qilish üchün 31-maydin tartip qanunluq toy qilghan er-ayallarning üch perzentlik bolushigha yol qoyulidighanliqini élan qildi.

BBC Agéntliqining bu heqtiki xewirige qarighanda, xitay merkiziy hökümiti barghanséri töwenlep kétiwatqan tughut nisbiti we buninggha munasiwetlik mesililerni hel qilish üchün bu qararni alghaniken. Melum bolushiche, xitay hökümiti 2016-yili nechche on yillap dawam qilghan bir perzentlik bolushni "Ikki perzentlik bolush" qa özgertken bolsimu tughut we perzent sahesidiki mesililer barghanséri éghirlap mangghan.

Gerche xitay hökümiti bu qétimqi yéngi siyaset arqiliq özlirining "Kishilik hoquq" mesililirini adil hel qiliwatqanliqini namayish qilghan bolsimu emma köpligen sahe yenila buni tenqid qilmaqtiken. Xelq'ara kechürüm teshkilati xitay bölümining diréktori joshu'a rozénzwég bu heqte söz qilip "Emeliyette héchqandaq hökümetning qanche perzentlik bolushni belgilep bérish hoquqi bolmaydu. Eksiche, bu ashu a'ilining shexsiy ishi hésablinidu. Xitay puqralarning öz xahishigha hörmet qilishi hemde buninggha qarita jaza bérishtek xata qilmishni toxtitishi lazim" dégen.

Bu xil nopus kontrolluqi mesilisi Uyghurlarning yéqinqi mezgillerde köplep lagérlargha qamilishidiki bir muhim seweb bolup kelgenidi. Muhajirettiki analizchilar bu heqte pikir qilip: "Xitay hökümiti üch perzentlik bolghan ‍uyghurlargha éghir jaza qollan'ghan. Emdi ular buning üchün Uyghurlardin epu soramdu?" dep so'al qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet