Uyghur élida üch neper Uyghur torda "Milliy ‍öchmenlik we ashqunluq" ni terghip qilish bilen eyiblinip yéqinda qolgha élin'ghan

Muxbirimiz erkin
2021-07-06
Share

Yéqinda Uyghur élining qeshqer, xoten qatarliq jaylirida 3 neper Uyghur xitay amanliq da'iliri teripidin torda "Milliy öchmenlikke qutratquliq qilish", "Achqunluqni terghip qilish" bilen eyiblinip qolgha élin'ghan. Xewerde tutqunlarning toluq ismi we milliti tilgha élinmighan bolsimu, biraq ularning ismining xitaychidiki teleppuzi hem ulargha artilghan jinayettin bu ücheylenning Uyghur ‍ikenliki melum. Tutqunlarning ikkisi qeshqerde, biri xotende qolghan élin'ghan.

"Bingtüen xewerliri" torining ashkarlishiche, tutqunlardin qeshqer we xotende qolgha élin'ghan ikkeylen torda "Milliy ‍öchmenlikke qutratquluq qilidighan awazliq sin tarqatqanliqi" üchün 4-ayning 12-küni we 5-ayning 2-küni qolgha élin'ghan. Qeshqerdiki yene bireylen torda "Diniy ashqunluq idiyesi terghip qilin'ghan awazliq sin tarqanqatliqi" ‍üchün 4-ayning 7-küni qolghan élin'ghan. Uyghur aptonom rayonliq j x nazaritining élan qilishiche, bu 3 délo 5-iyul küni merkur organ teripidin élan qilin'ghan 16 tipik déloning bir qismi ‍iken.

Xewerde qalghan 13 déloning torda aldamchiliq qilish, namuwapiq mezmunlarni tarqitish, torda qimar oynashqa teshkillesh, ösek söz tarqitish, shexsi mexpiyetlikni ashkarlash weqelirige chétishliq ‍ikenliki ilgiri sürülgen. Közetküchilerning qeyt qilishiche, xitay hökümiti 2017-yildin béri az dégenda bir milyon 800 mingdek Uyghur we bashqa musulman türkiy az sanliq milletlerni tutqun qilip, lagér we türmilerge qamighan, yüz minglighan Uyghur xitay zawutlirigha yighiwélin'ghan bir waqitta, bundaq weqelerning yüz bérishi köp uchrimaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet