Xitayning tunji “Uchquchisiz ayropilan” brigadisi Uyghur diyarida urush meshiqi qildi

Muxbirimiz eziz
2017.11.27

Xitay hökümitining Uyghur diyaridiki herbiy küchini köz-köz qilish meqsitidiki herbiy manéwirliridin biri yéqinda namelum bir jayda tamamlan'ghan “Uchquchisiz ayropilan” meshiqide ipadilendi.

“Asiya waqti” gézitide 27-noyabir küni élan qilin'ghan bu heqtiki tepsiliy xewerde éytilishiche, xitay xelq azadliq armiyisining tunji “Uchquchisiz ayropilan” birigadisi “Winglong” we “Yünying” namidiki uchquchisiz ayropilanlar arqiliq aldin békitilgen nishan'gha lazirliq rakéta atqan. Xewerde bu meshqning zadi qeyerde bolghanliqi mexpiy tutulghanliqi, buning hazirche “Shinjangning ottura qismi” dep perez qiliniwatqanliqi éytilghan.

“Xelq azadliq armiyisi géziti” ning 26-noyabirdiki sanida bolsa bu ayropilanlarning meshghulatigha mes'ul xadimlarning “Mol tejribilik we sinaqtin ötken uchquchilar” ikenliki alahide tekitlen'gen shuningdek bu ayropilanlarning alte rakéta élip uchalaydighanliqi, shuningdek nishanni bayqighan haman uni weyran qilalaydighanliqi bildürülgen.

Analizchilar bu heqte pikir qilip, xitay armiyisining bu manéwirini “Héchqandaq bir zörüriyet bolmighan rayonda xelqqe küch körsitish üchün otturigha chiqqan herbiy heriket. Ular mushu usullar arqiliq Uyghurlarning qarshiliq rohini sundurushni meqset qilghan” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.