Uyghur aptonom rayoni da'iriliri uchur-alaqe wasitilirige qaritilghan nazaretni kücheytmekte

Muxbirimiz irade
2016-01-07
Share

Uyghur aptonom rayoni da'irilirining türlük nizamlar arqiliq uchur-alaqe wasitilirige qaritilghan nazaretni kücheytiwatqanliqi melum bolmaqta.

Tengritagh torining xewiridin melum bolushiche, ündidardiki "Biwasite anglitish qatnash qiziq liniyisi" namliq xewer supisi 5-yanwar küni ürümchide éghir qatnash weqesi yüz bérip 22 kishi qaza qildi, dep xewer tarqatqanliqi üchün tor bashqurush da'iriliri teripidin "Yalghan xewer tarqatti" dep taqiwétilgen.

Xewerde éytilishiche, yuqiridiki bu ündidar supisi intérnétning yette türlük belgilimisige we döletlik alaqe tori uchurliri ishxanisi otturigha chiqarghan "Peytlik alaqe qorali ammiwi uchurliri mulazimitini tereqqiy qildurush we bashqurush waqitliq belgilimisi" diki maddilargha xilapliq qilghan iken.

Yuqirida tilgha élin'ghan "Peytlik alaqe qoralliri" ni bashqurushqa da'ir belgilimide "Ammiwi uchur mulazimet pa'aliyiti bilen shughullan'ghuchilar aldi bilen bashqurush tarmaqlirigha en'ge aldurush, heqiqiy ismi bilen hésab échish, resmiy axbarat organliri teripidin tarqitilmighan siyasiy xewerlerni élan qilmasliq, köchürüp tarqatmasliq, qanun-qa'idige ri'aye qilish, eksiche ish qilghanlar qanun boyiche jazalinish" dégen'ge oxshash maddilar yer alghan.

Xitay hökümiti yéqinqi yillardin buyan intérnéttiki mezmunlarni bashqurushqa alaqidar nurghun belgilimilerni élan qilip, kontrolni kücheytti. Da'iriler buning "Jem'iyet tertipini saqlash" üchün zörürlükini ilgiri süridu. Biraq xelq'ara kishilik hoquq organliri xitay hökümitining bu arqiliq pikir erkinliki we puqralarning uchurgha érishish erkinlikini qamal qiliwatqanliqini tenqid qilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet