Уйғур кишилик һоқуқ қурулуши: “уйғурлар үчүн һәқиқәтни тәкшүрүш вә хәвәр қилиш һаят-маматлиқ мәсилисидур”

Мухбиримиз әркин
2020.05.01

Америкадики уйғур кишилик һоқуқ қурулуши 1-май дуня ахбарат күни мунасивити билән баянат елан қилип, хитайниң хата учур тарқитишиға йол қоймаслиққа чақирған. Баянатта “шәрқий түркистандики кишилик һоқуқ дәпсәндичиликини ашкарилашта мәтбуатниң интайин муһим рол ойнайдиғанлиқи”, лекин хитай һөкүмитиниң уйғур районида йүз бәргән вәқәләрни әркин хәвәр қилишниң алдини елишқа қаттиқ күч сәрп қилип, чәтәллик мухбирларға паракәндичилик қилишни күчәйткәнлики билдүрүлгән.

Баянатта тәкитлинишичә, хитай һөкүмити үчүн уйғур райондики вәзийәтни хәвәр қилиш бир қизил сизиқ икән. Баянатта, һалбуки бу вәзийәтниң бу йил техиму өткүрләшкәнлики, униң уйғурлар һәққидә бөсүш характерлик вәқәләрни ашкарилап кәлгән “ню-йорк вақти”, “вол стерет журнили”, “вашингтон почтиси” гезитлириниң мухбирлирини қоғлап чиқарғанлиқи тәнқидләнгән.

Баянатта йәнә уйғурларниң өз вәтинидә туруп хәвәр ишлишиниң һечқандақ мумкинчилики йоқлуқи, хитай түрмисигә қамалған мухбирлар ичидә уйғурлар әң көп салмақни игиләйдиғанлиқи, чоң тутқун башланғандин кейин бу санниң техиму артқанлиқи тәкитләнгән. Баянатта, хитайниң америкадики әркин асия радийоси уйғур бөлүминиң мухбирлириниң аилә әзалирини нишанға елип, улардин өч елишқа киришкәнлики әскәртилип, “уйғурлар үчүн һәқиқәтни тәкшүрүш вә ашкарилаш һаят-маматлиқ мәсилиси” дейилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.