Uyghur kishilik hoquq qurulushi: "Uyghurlar üchün heqiqetni tekshürüsh we xewer qilish hayat-mamatliq mesilisidur"

Muxbirimiz erkin
2020-05-01
Share

Amérikadiki Uyghur kishilik hoquq qurulushi 1-may dunya axbarat küni munasiwiti bilen bayanat élan qilip, xitayning xata uchur tarqitishigha yol qoymasliqqa chaqirghan. Bayanatta "Sherqiy türkistandiki kishilik hoquq depsendichilikini ashkarilashta metbu'atning intayin muhim rol oynaydighanliqi", lékin xitay hökümitining Uyghur rayonida yüz bergen weqelerni erkin xewer qilishning aldini élishqa qattiq küch serp qilip, chet'ellik muxbirlargha parakendichilik qilishni kücheytkenliki bildürülgen.

Bayanatta tekitlinishiche, xitay hökümiti üchün Uyghur rayondiki weziyetni xewer qilish bir qizil siziq iken. Bayanatta, halbuki bu weziyetning bu yil téximu ötkürleshkenliki, uning Uyghurlar heqqide bösüsh xaraktérlik weqelerni ashkarilap kelgen "Nyu-york waqti", "Wol stérét zhurnili", "Washin'gton pochtisi" gézitlirining muxbirlirini qoghlap chiqarghanliqi tenqidlen'gen.

Bayanatta yene Uyghurlarning öz wetinide turup xewer ishlishining héchqandaq mumkinchiliki yoqluqi, xitay türmisige qamalghan muxbirlar ichide Uyghurlar eng köp salmaqni igileydighanliqi, chong tutqun bashlan'ghandin kéyin bu sanning téximu artqanliqi tekitlen'gen. Bayanatta, xitayning amérikadiki erkin asiya radiyosi Uyghur bölümining muxbirlirining a'ile ezalirini nishan'gha élip, ulardin öch élishqa kirishkenliki eskertilip, "Uyghurlar üchün heqiqetni tekshürüsh we ashkarilash hayat-mamatliq mesilisi" déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.