Uyghur kishilik hoquq qurulushi en'gliye hökümitini Uyghurlar mesiliside bérilgen tewsiyelerni derhal emeliyleshtürüshke chaqirghan

Muxbirimiz irade
2021-07-08
Share

En'giliye tashqiy ishlar komitéti nechche ay dawamlashqan tetqiqat we guwahliqlardin kéyin Uyghurlarning weziyiti heqqide bir mexsus doklat teyyarlap en'giliye hökümitige tekliplirini bergen idi.

Bu munasiwet bilen Uyghur kishilik hoquq qurulushi bayanat élan qilip, en'giliyening boris jonson hökümitini yuqiriqi komitétning Uyghurlarni qoghdash heqqidiki tewsiyelirini tézdin yolgha qoyushqa chaqirghan.

Melum bolushiche, en'giliye tashqiy ishlar komitéti mezkur doklatida en'giliye hökümitini parlaméntning Uyghurlarning irqiy qirghinchiliq we insaniyetke qarshi jinayetlerge duchar boluwatqanliqi toghrisidiki qararini qobul qilishqa we uni axirlashturush üchün heriket qollinishqa, b d t omumiy kéngishi hem kishilik hoquq kéngishide alahide yighin orunlashturup, kishilik hoquq aliy komissaridin musteqil tekshürüsh élip bérishni telep qilishqa chaqirghan.

Tewsiyeler ichide yene Uyghur rayonida ishlepchiqirilghan paxta mehsulatlirini cheklesh, Uyghur mejburiy emgiki mewjut teminlesh zenjirlirini tekshürüp békitish we shundaqla yene 2022-yilliq qishliq olimpik musabiqisigha hökümet emeldarlirini ewetmeslik, tenheriketchiler musabiqining échilish we yépilish murasimlirigha qatnashmasliq, Uyghur panahlan'ghuchilarni tézdin panahliq astigha élish qatarliq mezmunlarmu bar iken.

Uyghur kishilik hoquq qurulushi 7-iyul küni élan qilghan bayanatida yuqiriqi tewsiyelerni qarshi alghan we mundaq dégen: "Biz boris jonson hökümitini qet'iy heriket qilishqa chaqirimiz. Bu keng da'irilik parlamént doklatida körsitilginidek, en'giliye irqiy qirghinchiliq qiliwatqanlarni jazalashta ewzellikke ige. Azab-oqubet chekken Uyghurlargha yardem bérishning nurghun yolliri bar. Uyghurlar emeliy heriketke tolimu mohtaj."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet