Töt dölet rehberliri birlikte ukra'ina mesilisini muhakime qilidu

Gérmaniye, fransiye, rusiye we ukra'ina prézidéntliri birlikte ukra'ina krizisini hel qilish üchün yighin échishni qarar qildi. B b s agéntliqining xewer qilishiche, yekshenbe küni mezkur töt dölet bashliqliri, téléfon yighini achqan bolup, ular sherqiy ukra'inada urush toxtitish mesililirini sözliship, melum derijide pikir birliki hasil qilghan.

Ötken jüme küni fransiye prézidénti olland, gérmaniye bash ministiri mérkél moskwada rusiye prézidénti putin bilen körüshüp, ukra'inada tinchliqni emelge ashurushning yéngi layihisi heqqide söhbetleshken idi. Üch terepning, bu uchrishishning bir qeder netijilik bolghanliqini hemde yene uchriship, konkrét muzakire qilishqa pütüshkenliki bildürülgen idi.

11 - Féwral küni mezkur töt dölet prézidéntliri bélarusiyening minsk shehiride yighin échip sherqiy ukra'inada tinchliqni emelge ashurush heqqidiki yéngi layihini muhakime qilidiken.

Ukra'ina we gherb döletliri izchil türde rusiyeni sherqiy ukra'inadiki ayrimichi küchlerge qoral - yaraq bériwatqanliqi hetta esker kirgüzüp, yardem körsitiwatqanliqini eyiblimekte, biraq rusiye bolsa buni inkar qilmaqta. Hazirghiche sherqiy ukra'inada 5 minggha yéqin adem ölgen.