Украинада уруш тохтиди, әмма оқ авази йәнила бар

Мухбиримиз үмидвар
2015.02.15


15 - Феврал күни гренвич вақти 22 дә шәрқий украинада уруш тохтитиш келишими күчкә игә болған болуп, украина президенти петир порошенко телевизийә нутиқи сөзләп, украина армийәсигә җәңни тохтитиш буйруқини елан қилди шуниңдәк һечкимниң бу келишими бузушиға йол қоймайдиғанлиқини агаһландурди.

Б б с агентлиқиниң хәвәр қилишичә, уруш тохтитиш келишими ишқа киришиши билән икки тәрәпниң еғир қораллирини ишлитиш тохтиған, әмма еғир қораллириниң уруш линийиләрдин чекиндүрүлүш әһвали һәққидә хәвәрләр көп әмәс.

Бирақ, уруш тохтитиш келишими ишқа кириштүрүлгәндин кейин омумий җәһәттин тинч болсиму, бирақ украина тәрәпниң билдүрүшиичә, русийәпәрәс күчләр ураина армийәсиниң бәзи орунлириға зәмбирәк оқи атқан, әмма мутләқ көп қисим җайларда тинч болуп, уруш тохтиған. Америка авазиниң йезишичә, уруш тохтитиш келишими ишқа ашурулғандин буян дебалсево дегән җайда русийәпәрәс күчләр оқ чиқиришни давамлаштурған. Укараина президенти келишимниң тәқдиридин әндишә қиливатқанлиқини билдүргән.

Икки тәрәп йәни шәрқий украинадики русийәпәрәс күчләр билән кийев тәрәп бир - бирини келишимгә риайә қилмаслиқ билән әйибләш әһвалиму көрүлгән,

11 - Числа русийә, украина, германийә вә франсийә рәһбәрлири минск шәһиридә уруш тохтитиш һәққидә келишим һасил қилип, бу келишимни 15 числадин башлап күчкә игә қилишқа пүтүшкән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.