Ukra'inaliqlar acharchiliq paji'esining 82 yilliqini xatirilidi

Muxbirimiz ümidwar
2015-11-29
Share


Ukra'inaliqlar shenbe küni bu dölette yüz bergen acharchiliq paji'esining 82 yilliqini xatirilidi.

Amérika awazining xewiride éytilishiche shenbe küni ukra'inaning her qaysi jayliridiki ammiwi jem'iyetler we xelq 1932 - 1934 - yilliri arisida yüz bergen acharchiliqta ölüp ketkenlerge teziye bildürgen.

Ukra'ina da'iriliri 1932 - 1934 - yilliridiki acharchiliqning kélip chiqish seweblirini eyni waqittiki stalin, molotow bashliq sowét kompartiyisi rehberlikige artqan bolup, ukra'ina parlaménti her yili 11 - ayning 4 - heptisi dölet boyiche bayraq chüshürüp, acharchiliq qurbanlirini esleshni békitken.

Kiyéw sot mehkimisi stalin, molotow qatarliq bir sowét kompartiye rehberlirige acharchiliqning jawabkarliri süpitide jinayet békitken.

Azadliq radi'osining xewer qilishiche, ukra'ina nopus we jem'iyet tetqiqat instituti acharchiliqning 82 yilliqi munasiwiti bilen tekshürüsh élip bérip, shu qétimliq ukra'inada yüz bergen acharchiliq weqeside balilarni öz ichige alghan 4 milyon adem ölüp ketkenlikini hésablap chiqqan.

1931 - 1933 - Yilliri arisida kolléktiplashturush herikiti netijiside acharchiliq qazaqistandimu éghir derijide yüz bergen bolup, qazaqistan tarixchiliri qazaqistanda ikki milyon ademning achliqtin ölgenlikini hésablap chiqqan idi. Shu qétimliq acharchiliqta yettisu rayonidiki Uyghurlardinmu köp adem ölgen we köp sandiki Uyghurlar, qazaqlar we bashqa xelqler qoshna ili, chöchek rayonlirigha qéchip kélip makanlashqan idi.

Acharchiliq yene bélarusiye we kawkaziye rayonliridimu yüz bergen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet