Ukra'inanda léninning heykili dawamliq yiqitilmaqta

Muxbirimiz ümidwar
2015-04-18
Share


17 - April küni bir qisim yüzige maska taqighan kishiler ukra'inaning sherqidiki xarkow shehiridiki sabiq sowét ittipaqi dahiysi wladimir léninning ikki heykilini yiqitqan .

Rusiye tor betliridin "Sénsor.Nét"ning xewer qilishiche, bu ademler ukra'ina hökümitining kontrolluqi astidiki mezkur sheherge jaylashqan ikki uniwérsitét ichidiki léninning heykilining boynigha arghamcha sélip, tartip, heykelni yiqitqan.

17 - April küni yene rusiyeperes küchlerning kontrolluqidik lugansk oblastidiki bir yézigha tiklen'gen léninning heykilige ukra'ina dölitining belgisi bolghan sériq we yéshil reng chéchilip, arqidin yiqitilghan.

Mundaq, lénin heykilini yiqitish rusiyeperes küchler bilen ukra'in milletperwerlirining arisidiki ziddiyetning ipadisige aylan'ghan bolup, sherqiy ukra'inadiki yene bir sheher ukra'ina armiyesining qolidiki waqtida yiqitilghan lénin heykili, bu sheher rusiyeperes küchlerning qoligha ötkende rusiyeperes küchler teripidin qaytidin tiklen'gen.

Ukra'inaning her qaysi jaylirida lénin heykilini yiqitish weqeliri ötken yili ukra'ina krizisining küchiyishi jeryanida köplep yüz bergen idi.

Aldinqi heptide, yeni 9 - april küni ukra'ina parlaménti natsislar we kommunistik partiyening belgiliri we idiyelirini chekleydighan hemde kimki bu qanunni buzsa 5 - yilidin 10 yilghiche qamaq jazasigha mehkum qilinidighan bir qanun layihisini qobul qilghan idi.

Melum bolushiche, kommunistlar sherqiy ukra'inadiki rusiyeperes bölgünchi küchlerning asasliq qollighuchiliri hésablan'ghan.

Rusiye metbu'atlirining xewer qilishiche, eslide ukra'ina lénin heykili eng köp ornitilghan jumhuriyet bolup, 1991 - yilighiche bolghan ariliqta pütün ukra'inda 1500 din artuq lénin heykili ornitilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet