Украина даирилири йолучилар айропиланиниң русийә тәминлигән бомба билән етип чүшүрүлгәнликини билдүрди

Мухбиримиз җүмә
2014.07.21

Шәнбә күни украина даирилири ахбарат елан қилип, пәйшәнбә күни қазаға учриған йолучилар айропиланниң русийә тәминлигәнликигә башқурулидиған бомба системисида етип чүшүргәнликини испатлайдиған пакитлар барлиқини билдүрди.

Пәйшәнбә күни амистердамдин малайшияға қарап йолға чиққан MH17 - номурлуқ йолучилар айропилани шәрқий украина һава бошлуқида учуп кетиватқанда һуҗумға учрап чүшүп кәткән вә ичидики 298 йолучиниң һәммиси қаза қилған.

Кейин мәзкур йолучилар айропиланниң йәрдин һаваға қоюп берилидиған башқурулидиған бомба билән етип чүшүрүлгәнлики көрситилгән.

Вәқәдин кейин украина даирилири русийә вә украинаниң шәрқий қисмидики руспәрәс күчләрни әйиблигән.

Украина даирилириниң билдүрүшичә, мәзкур бомбини русийә тәрәп украинаниң шәрқий қисмида мустәқиллиқ тәләп қиливатқан руспәрәс күчләргә бәргән икән.

Украина даирилири русийә вә руспәрәс күчләрниң вәқәгә алақидә дәлил испатларни җиддий йошуруватқанлиқини билдүрмәктә.

Шәнбә күндики ахбарат елан қилиши йиғинда украин дөләт хәвпсизлик идарисиниң башлиқи виталй найда айропилан вәқәсидин кейин BUK - M1 типлиқ башқурулидиған бомба қоюп бериш үскүнилириниң шәрқий украинадин русийә тәрәпкә өтүп кәткәнликини рәсимләр билән көрсәткән.

Униң билдүрүшичә, башқурулидиған бомба шәрқий украинаниң снижнә кәнтидин етилған.

Алдинқи күни америка даирилириму мәзкур айропилан қазасида русийәниң ярдими барлиқини илгири сүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.